Ka shkuar në 47 numri i të vdekurve në Poltava, ndërsa 206 kanë mbetur të plagosur, si pasojë e një sulmi rus me dy raketa balistike.
Lajmi është konfirmuar nga Olena Zelenska.
Zonja e parë e Ukrainës e ka cilësuar sulmin një tragjedi dhe tha se Rusia po shkatërron gjënë më të vlefshme: jetën.
‼️Absolutely horrific news coming out about Poltava where russia just hit a hit an educational institution & a hospital with two ballistic missiles. There’s already 41 dead and 180 injured. There truly is no limit to russian evil. I seriously feel sick. #russiaisateroriststate pic.twitter.com/MoGouE66SL
— Їne Back Їversen (@IneBackIversen) September 3, 2024
Dy raketa balistike ruse goditën një shkollë dhe një spital aty pranë në rajonin e Poltava. Presidenti ukrainas tha në Telegram se të gjitha shërbimet e nevojshme janë të përfshira në operacionin e shpëtimit” dhe urdhëroi “një hetim të plotë dhe të shpejtë”.
“Rusia padyshim që do të mbahet përgjegjës për këtë sulm. Dhe përsëri, ne i bëjmë thirrje të gjithëve në botë që kanë fuqinë për të ndaluar këtë terror: sistemet e mbrojtjes ajrore dhe raketat duhen në Ukrainë.
Sulmet me rreze që mund të mbrojnë kundër terrorit rus nevojiten tani, jo diku më vonë, çdo ditë vonesë, për fat të keq, do të thotë më shumë jetë të humbura”, tha Zelensky.
Nuk dihet ene nëse në atë godinë ndodheshin vetëm studentë apo edhe civilë të strehuar.
Poltava ndodhet rreth 110 kilometra nga kufiri me Rusinë.
/abcnews.al
