Pas sulmit terrorist në zemër të Vjenës, Ministri i Brendshëm austriak Karl Nehammer informoi për zhvillimet e fundit të martën pasdite.
Ndërkaq, Ministri tha se bazuar nga të dhënat, nuk ka indikacione se edhe një sulmues i dytë ka qenë i përfshirë në sulm. Ai po ashtu shtoi se sulmuesi në Vjenë, dukej se ishte integruar në shoqërinë austriake, por në fakt ishte e kundërta.
Ai konfirmoi se i dyshuari ishte një 20-vjeçar me një rekord penal dhe ishte liruar pak kohë më parë nga burgu.
Sipas Nehammer, nuk kishte asnjë paralajmërim për radikalizimin, e tij. Pas një përpjekjeje për “dalje nga xhihadi”, 20-vjeçari u dënua me 22 muaj burg, nga të cilët kreu vetëm shtatë. Ministri theksoi se autoritetet kishin punuar me të.
Ndërkohë, siç shkruajnë mediat austriake lirimi i parakohshëm i një personi të radikalizuartregon një “vijë gabimi në sistem” që duhet të vlerësohet.
Karl Nehammer tha se 14 persona janë arrestuar në lidhje me sulmin në Vjenë.
Kujtojmë se 20-vjeçari që kreu sulmin , i cili u eleminua më pas nga policia është Kujtim Fejzullai, me origjinë shqiptare nga Maqedonia e Veriut, por I lindur në Vjenë. g.v/abcnews.al
