Një norvegjez me origjinë iraniane u shpall fajtor për terrorizëm në lidhje me sulmin në festivalin LGBTQ+ në Oslo dhe u dënua me 30 vjet burg.
Sulmi, i kryer në tre lokacione pranë barit të njohur të homoseksualëve London Pub më 25 qershor 2022, vrau dy persona dhe plagosi rëndë nëntë të tjerë.
Gjykata në Oslo njoftoi se 45-vjeçari Zaniar Matapur qëlloi turmën me një pushkë automatike dhe një pistoletë dhe prokurorët thanë se ai ishte një anëtar i grupit ekstremist Shteti Islamik.
Si prokuroria ashtu edhe mbrojtja ranë dakord gjatë gjyqit që Matapur qëlloi në turmë dhe se motivi i krimit ishte terrorizmi.
Megjithatë, avokati i Matapur, Marius Dietrichson, kërkoi një lirim, duke deklaruar se klienti i tij u bind të kryente sulmin nga një oficer i inteligjencës daneze, i cili pretendonte të ishte një anëtar i lartë i Shtetit Islamik./abcnews.al
