PS distancohet nga sulmi me armë në Kavajë ku mbeti i plagosur aktivisti i PD. Kandidati i Partisë Socialiste në zonën e Kavajës, Etjen Xhafaj ka shkruar në rrjetet sociale se ngjarje si kjo nuk përfaqësojnë kulturën dhe qytetarinë e Kavajës.
Sipas tij ngjarja nuk ka lidhje me politikën dhe zgjedhjet e 25 Prillit. Ai shton se zgjedhjet duhet të jenë festë në Kavajë e gjithë Shqipërinë.
“Ngjarje si kjo e sotmja nuk përfaqësojnë kulturën dhe qytetarinë e Kavajës. Jam i bindur se ngjarja nuk ka lidhje me politikën dhe ne që garojme për zgjedhjet e 25 Prillit duhet të jemi të parët që jo vetëm ta denojmë aktin e sotëm, por edhe mos ta politizojmë këtë ngjarje.
Zgjedhjet duhet te jenë festë dhe kështu do të jenë në Kavajë e gjithë Shqipërinë. Autoritetet duhet të veprojnë me shpejtësi dhe autorët duhet të vendosen një orë e më parë para drejtësisë. Shërim sa më të shpejtë për djalin e përfshirë në ngjarje!”, shkruan Xhafaj./mv.abcnews.al
