Loading ...
Rreth 100 mijë familje në Kiev dhe në zonat përreth kryeqytetit ukrainas kanë mbetur pa akses në internet pas sulmeve me dronë rusë.
Lajmi u bë i ditur nga Ministria e Transformimit Dixhital të Ukrainës, e cila njoftoi se ekipet teknike po punojnë për vlerësimin e dëmeve dhe rikthimin e shërbimeve.
Sulmet me dronë ndodhën në disa valë, nga orët e mëngjesit deri në fillim të pasdites, duke shkaktuar dëme në infrastrukturën e komunikimit.
Autoritetet ukrainase vijojnë punën për riparimin e rrjetit dhe rikthimin e internetit për familjet e prekura.
