Është raportuar një incident i ri në Detin e Kuq nga Shërbimi Britanik i Sigurisë Detare në orët e para të mëngjesit të së hënës. Sipas UKMTO, incidenti ndodhi 70 milje në veriperëndim të Saleef, Jemen.
Sipas informacioneve, kapiteni i një anijeje tregtare ka raportuar se është goditur nga dy raketa, duke pretenduar edhe një shpërthim afër anijes.
Fatmirësisht nuk raportohet për viktima, ndërkohë kanë nisur hetimet për vlerësimin e dëmeve.
Deti i Kuq dhe Gjiri i Adenit janë shndërruar që nga nëntori 2023 në një “teatër” sulmesh të njëpasnjëshme nga Houthi, të cilët thonë se i kanë nisur në solidaritet me Rripin e Gazës, ku shpërtheu lufta midis Izraelit dhe Hamasit.
Disa marinarë janë vrarë ose plagosur rëndë në këto sulme, të cilat tani konsiderohen si një problem i madh për lundrimin në ujërat përreth Jemenit, një zonë detare jetike për tregtinë globale.
/abcnews.al
