Një sulm me dron u nis sot kundër një akademie ushtarake në Homs, Siria qendrore, teksa po zhvillohej një ceremoni e promovimit të oficerëve, sipas ushtrisë siriane, duke vrarë të paktën shtatë persona, sipas Observatorit Sirian për të Drejtat e Njeriut.
“Organizatat terroriste synuan një ceremoni të promovimit të oficerëve në akademinë ushtarake të Homsit duke përdorur drone të ngarkuar me eksploziv menjëherë pas përfundimit të ceremonisë,” tha ushtria siriane. Sipas autoriteteve shumë persona humbën jetën, duke përfshirë “ushtarë dhe civilë” dhe “dhjetëra të plagosur” duke përfshirë oficerë dhe anëtarë të familjeve të tyre.
Ushtria tha se do të përgjigjej me vendosmëri ndaj këtij sulmi terrorist frikacak dhe të paprecedentë. Observatori Sirian tha se sulmi vrau të paktën shtatë persona dhe plagosi më shumë se 20.
