Avionët luftarakë izraelitë kanë goditur konsullatën iraniane në Damask, duke vrarë gjashtë persona, duke përfshirë një komandant të lartë të Korpusit të Gardës Revolucionare iraniane.
Në vendngjarje u pa tym që dilte nga rrënojat e një ndërtese që ishte rrafshuar dhe automjetet e urgjencës të parkuara jashtë.
Një burim libanez i sigurisë i tha Reuters se Mohammad Reza Zahedi, një komandant i lartë i Gardës Revolucionare, ishte në mesin e të vrarëve në sulm. Një zëdhënës i ushtrisë izraelite tha: “Ne nuk komentojmë raportet në mediat e huaja”.
Televizioni shtetëror sirian konfirmoi se ndërtesa e konsullatës ishte sulmuar./abcnews.al
