Shërbimi suedez i sigurisë (Sapo) ka thënë se Irani mund të jetë përfshirë në shpërthimet dhe të shtënat me armë që ndodhën pranë ambasadave izraelite në Stokholm dhe Kopenhagë në fillim të kësaj jave.
Agjencia tha se zgjedhja e objektivave dhe metodave tregonte drejtimin e Iranit, por shtoi se ky ishte një “supozim dhe jo një njohuri e pastër”.
Të hënën në mbrëmje, u raportua për të shtëna në ambasadën izraelite në Stokholm, por askush nuk mbeti i lënduar. Dy shpërthime u raportuan më pas pranë ambasadës izraelite në qendër të Kopenhagës në Danimarkë në orët e para të së mërkurës.
Dy adoleshentë suedezë, të moshës 16 dhe 19 vjeç, u arrestuan në stacionin e trenit të Kopenhagës si të dyshuar për vendosjen e granatave pranë ambasadës./abcnews.al
