Më shumë se 100,000 njerëz vlerësohet të jenë larguar nga vendi për shkak të konfliktit në Sudan duke kaluar kufirin në vendet fqinje, ndërsa më shumë se 334,000 kanë ikur nga shtëpitë e tyre dhe janë zhvendosur brenda vendit, tha Organizata Ndërkombëtare për Migracionin.
Në të njëjtën kohë, OKB-ja njoftoi se programi i ndihmës për Sudanin financohet vetëm 14% këtë vit, dhe agjencive të ndihmës u mungojnë një shumë prej 1.5 miliardë dollarë për t’ia dalë me krizën humanitare në vendin që tashmë ekzistonte, por që u përkeqësua për shkak të konfliktit.
Një zëdhënës i Zyrës së OKB-së për Koordinimin e Çështjeve Humanitare, Jens Lerke, i bëri thirrje komunitetit ndërkombëtar që të mbështesë organizatat e ndihmës.
Sipas Organizatës Ndërkombëtare për Migracionin, përleshjet midis ushtrisë së rregullt dhe forcave paraushtarake që nga mesi i prillit kanë detyruar më shumë se 334,000 njerëz të largohen nga vendi.
OKB-ja i frikësohet një eksodi masiv nga Sudani i “mbi 800,000 njerëzve” nëse luftimet vazhdojnë, pasi palët ndërluftuese injorojnë marrëveshjet e armëpushimit dhe komuniteti ndërkombëtar ka frikë nga një katastrofë humanitare.
/abcnews.al
