Kryeministri i Kosovës, Avdullah Hoti ka reaguar pas përmbytjeve në Kosovë mbrëmjen e djeshme, pas shiut të dendur.
Kreu i qeverisë ka thënë se me gjithë dëmet materiale pas vërshimeve të mbrëmshme, në tërë vendin gjendja është kontroll.
Hoti në një postim në Facebook ka shkruar se janë mobilizuar të gjitha shtabet emergjente lokale.
“Qeveria e Kosovës ka ndërmarrë të gjitha masat e nevojshme për t’u dalë në ndihmë qytetarëve të prekur nga vërshimet… Janë mobilizuar të gjitha shtabet emergjente lokale, ndërkohë që edhe Policia e Kosovës, Njësitë Profesionale të Kërkim-Shpëtimit dhe Zjarrfikësit janë në gjendje gatishmërie. Për fat, me gjithë dëmet materiale, në tërë vendin gjendja është nën kontroll”, shkruan Hoti.
