Sllovenia në ditët kur një pjesë e madhe e vendeve po vuajnë valën e nxehtësisë është përfshirë nga një stuhi e fuqishme me shi, rrufe dhe erëra mbi 100 km/h.
Si pasojë e stuhisë që ka përfshirë Slloveninë mbrëmjen e së martës janë shkatërruar disa çati shtëpiash, shembur pemë dhe shkatërruar linjat e energjisë elektrike.
Dhjetëra mijëra njerëz mbetën pa energji elektrike, ndërsa rreth 250 prej tyre, të cilët ishin kamping në ambient të hapur, u evakuuan, njoftoi Administrata Sllovene për Mbrojtjen Civile dhe Ndihmën ndaj Fatkeqësive./abcnews.al
