Sipas një studimi të ri, adoleshentët që konsumojnë marijuanë të paktën një herë në javë për gjashtë muaj kishin rënie në koeficientin e IQ së tyre ndërsa plaken dhe sigurisht e kanë më të vështirë zgjidhjen e problemeve.
Kolegji Mbretëror i Kirurgëve në Irlandë (RCSI) studioi 808 adoleshentë që konsumuan marijuanë çdo javë për të paktën gjashtë muaj dhe 5,308 që nuk konsumuan.
Ata zbuluan se konsumatorët e rregullt të marijuanës kishin një humbje të nivelit të inteligjencës me kalimin e kohës në krahasim me ata që nuk konsumuan marijuanë gjatë adoleshencës.
Analiza e mëtejshme tregoi se koeficienti i inteligjencës verbale, i lidhur me të kuptuarit e koncepteve, arsyetimit abstrakt dhe kujtesës, pëson rënie.
Marijuana është substanca e paligjshme më e përdorur në të gjithë botën, dhe të rinjtë janë konsumatorët më të zakonshëm.
Vetëm në Mbretërinë e Bashkuar 29.6 përqind e njerëzve të moshës 16-59 vjeç thanë se kishin konsumuar marijuanë të paktën një herë gjatë jetës së tyre – nga 23.6 përqind në 2002.
Personat që konsumojnë marijuanë gjithashtu janë më të rrezikuar nga sëmundje të rënda mendore si skizofrenia./abcnews.al
