Sipas një studimi të publikuar në Nature’s Scientific Reports, njerëzit janë bërë më bujarë gjatë pandemisë. Ndërsa të gjithë kemi qenë dëshmitarë të një pjese të kësaj sjelljeje, ka prova që tregojnë se gjatë ditëve më të vështira të pandemisë ne u treguam më bujarë dhe u kujdesëm për njëri-tjetrin.
Zbulimi se bujaria jonë u rrit gjatë pandemisë vjen nga analizat e dy grupeve të të dhënave të veçanta.
Ekipi së pari krahasoi tendencat e bamirësisë në qarqet që shënuan më shumë viktima nga Covid-19 dhe ato që nuk shënuan shumë viktima. Ata analizuan gjithashtu se si ka ndryshuar furnizimi në qarqe individuale para dhe pasi Covid goditi zonën.
Dhe në eksperimentet e kontrolluara, studiuesit ftuan 1000 njerëz në të gjithë vendin të merrnin pjesë në një lojë të quajtur “diktatori”. Për lojën, dy persona takohen rastësisht dhe njëri merr 10 dollarë. Personi mund t’i mbajë të gjitha paratë ose t’i ndajë me tjetrin.
Gjatë disa muajve, ndërsa Covid filloi të përhapet, studiuesit vunë re se “diktatori” filloi të jepte më shumë nga pasuria e tij.
“Kjo lojë përdoret si një masë e bujarisë dhe preferencave sociale,” tha Friedman.
Fatkeqësisht, të dhënat nuk zbulojnë arsyet e bujarisë së pjesëmarrësve. Për më tepër, shumë njerëz mund të jenë ndjerë të pafuqishëm gjatë pandemisë dhe janë kthyer në njerëz më bujarë për ta përballuar.
“Covid u përhap në një kohë ku ne ndjeheshim sikur nuk kishim shumë kontroll mbi atë që po ndodhte në jetën tonë,” tha Fridman.
/abcnews.al
