Studimi i ri tregon se si të njohim njerëzit narcistë bazuar në këtë tipar të fytyrës

Hulumtimet e reja kanë treguar se ekziston një lidhje midis një tipari të caktuar të fytyrës dhe prirjeve narcisiste. “Journal of Personality” publikoi një studim të ri nga Universiteti i Torontos i cili sugjeron se njerëzit me vetulla të theksuara kanë më shumë gjasa të jenë narcisist.

Sipas hulumtimit, njerëzit me karakteristika narcisiste shpesh kanë nota të larta në fushën e shprehjes së dashurisë për veten. Edhe pse ata shpesh tregojnë sjellje më egoiste dhe priren të jenë individë më egocentrikë, ata gjithashtu priren të duken simpatikë dhe të pëlqyeshëm në shikim të parë.

Studimi u fokusua në 40 studentë të cilët u fotografuan me shprehje neutrale të fytyrës, përpara se të bënin testin psikologjik “Inventar i Personalitetit Narcissist”. Fotot e tyre më pas iu treguan njerëzve të cilëve iu kërkua të merrnin me mend se sa narcistë ishin ata vetëm në bazë të pamjes.

Ata zbuluan se trashësia dhe dendësia e vetullave janë një faktor i rëndësishëm kur bëhet fjalë për vlerësimin e tendencave narcisiste. Duke përmbledhur gjetjet e tyre, studimi pretendon se “vetullat ekspresive zbulojnë një personalitet narcist për të tjerët”. /abcnews.al