A keni takuar ndonjëherë dikë dhe keni menduar menjëherë se keni gjetur një mik të ri? Ishte buzëqeshja, e qeshura e tij, një vezullim në sy, apo ndoshta një shaka e zgjuar që ata thanë? Në fakt, aroma e tij mund t’ju ketë bërë që të ndiheshit “të tërhequr”.
Ashtu si me shumë gjitarë, lidhja juaj e menjëhershme mund të jetë zhvilluar menjëherë pas… aromës së parë. Ne tërhiqemi nga njerëzit me të cilët kemi diçka të përbashkët, si mosha, personaliteti dhe pamja por duket se kërkojmë fshehurazi edhe ata që kanë aromë të njëjtë.
Disa studiues izraelitë kryen një eksperiment, përmes të cilit vunë re një ngjashmëri të caktuar të aromës që kishin trupat e njerëzve që janë miq me njëri-tjetrin. Ata morën 20 çifte të së njëjtës gjini (10 çifte grash dhe burrash) të cilët kishin krijuar një miqësi të fortë midis tyre.
Ata përdorën eNose, një pajisje që ndjen përbërësit kimikë të aromave, e cila u përdor për të nuhatur bluzat që kishin veshur secili prej pjesëmarrësve. “Hunda elektronike” zbuloi se aroma e trupit ishte më e ngjashme midis çifteve të miqve sesa të tjerëve.
Një grup të rriturish të pavarur që nuhatën bluzat e pjesëmarrësve gjithashtu raportuan se çiftet e miqve kishin erë më shumë njësoj sesa çiftet e rastësishme. Më pas, studiuesit rekrutuan 17 njerëz që nuk ishin takuar kurrë më parë dhe përdorën hundën elektronike për të analizuar aromat e trupit të tyre.
Rezultatet ishin në përputhje me eksperimentet e mëparshme: Çiftet që kishin aromë të ngjashme me njëri-tjetrin kishin më shumë gjasa që të përjetonin një “klik” gjatë kësaj loje. Gjetjet kanë kuptim sepse hulumtimet tregojnë se ne priremi të bëhemi miq me njerëz që janë të ngjashëm me ne. /abcnews.al
