Një ndër studiuesit kryesor në Universitetin e Oksfordit, Dr. Paul Kelley ka deklaruar se njerëzit që fillojnë para orës 10 të mëngjesit përjetojnë torturë.
Ora e brendshme e trupit që njihet si “Ritmi Circadian”, tregon se si trupi dhe truri ynë funksionon në raport me kohën. Prandaj ai konsideron se fillimi punës para orës 10:00, torturon trupin tonë dhe ndikon negativisht në ekuilibrin natyror në trup.
Në fillim të shekullit të 20-të, kur u prezantua orari 8 orësh në punë, askush nuk e ka menduar orën natyrore të trupit të njeriut.
“Kjo është jashtëzakonisht e dëmshme për sistemin trupor, afekton fizikun, aspektin emocional dhe përformancës trupore”, thotë Dr. Paul Kelley
Tashmë një shkollë britanike ka testuar teorinë e Dr.Kelley, duke shtyrë orarin e mësimit nga 8:30 në 10:00 dhe pas një kohë të gjithë studentët treguan rezultate më të mira në mësime. l.k/abcnews.al
