A mundet dikush të perceptojë pyetjet dhe të japë përgjigje në mes të një ëndrre të gjallë? Ëhtë e mundur, thonë studiuesit.
Gjetjet tregojnë se është e mundur që njerëzit ndërsa ëndërrojnë të ndjekin udhëzime, të bëjnë matematikë të thjeshtë, t’i përgjigjen pyetjeve po ose jo, ose të tregojnë ndryshimin midis stimujve të ndryshëm ndijor.
“Ne zbuluam se individët në gjumë mund të bashkëveprojnë me një eksperimentues dhe të përfshihen në komunikim në kohë reale”, tha studiuesi Ken Paller nga Universiteti Northëestern në SHBA.
Sipas studiuesit, ëndërrimtarët janë të aftë të kuptojnë pyetjet, të angazhohen në operacione të kujtesës së punës dhe të prodhojnë përgjigje.
“Shumica e njerëzve mund të parashikojnë që kjo nuk do të jetë e mundur, që njerëzit ose do të zgjohen kur u bëhet një pyetje ose nuk do të përgjigjen, dhe sigurisht nuk do ta kuptojnë një pyetje pa e keqinterpretuar atë”, tha Paller.
Për studimin, botuar në revistën Current Biology, studiuesit vlerësuan 36 njerëz që synonin të kishin një ëndërr të kthjellët, në të cilën një person është i vetëdijshëm se po ëndërron.
Ekipi tha se njerëzit në ëndërr mund të përgjigjeshin duke përdorur lëvizjet e syve ose duke kontraktuar muskujt e fytyrës.
Studiuesit i referohen asaj si “ëndërrimi ndërveprues” dhe thanë që studimet e ardhshme të ëndërrimit mund të përdorin të njëjtat metoda për të vlerësuar aftësitë njohëse gjatë ëndrrave kundrejt zgjimit.
Jashtë laboratorit, metodat mund të përdoren për të ndihmuar njerëzit në mënyra të ndryshme, të tilla si zgjidhja e problemeve gjatë gjumit ose ofrimi i të sëmurëve nga makthi mënyra të reja për të përballuar, vuri në dukje ekipi. l.k/abcnews.al
