Baballarët e rinj gjithashtu duket se vuajnë nga një formë e depresionit pas lindjes për shkak të presioneve financiare dhe mungesës së një kohe cilësore me foshnjën e tyre.
Studiuesit në Universitetin e Oksfordit pohojnë se baballarët “kalojnë të dytët” pas lindjes së fëmijës së tyre dhe nuk kanë mundësi të lidhen me foshnjën e tyre.
Ata gjithashtu pretendojnë se shumë burra pas lindjes vazhdojnë të punojnë shumë për të fituar para në mënyrë që asgjë të mos i mungojë familjes së tyre, si rezultat i së cilës ata humbin momente nga foshnja e tyre dhe nuk kujdesen për foshnjën (pelenat, ushqyerja.) Në fakt, duke qenë se shumë nëna ndjehen fajtore kur duhet të kujdesen për fëmijën e tyre, ata në mënyrë të pavetëdijshme kufizojnë aksesin e baballarëve tek fëmijët e tyre, duke marrë përsipër të gjitha përgjegjësitë e kujdesit për ta vetë.
Si rezultat, rreth 10% e baballarëve përjetojnë depresion në gjashtë muajt e parë pas lindjes së një fëmije pa mbështetjen e psikologëve.
Dr. Anna Machin, një profesore në Departamentin e Psikologjisë Eksperimentale në Universitetin e Oksfordit, intervistoi 15 baballarë për një periudhë prej tetë muajsh, duke filluar pak para lindjes së fëmijëve të tyre. Ndërsa të gjithë ishin optimistë në intervistën e parë, gjashtë prej tyre shfaqën simptoma të depresionit në gjashtë muajt e parë pas lindjes së një fëmije.
“Ka prova në rritje që baballarët janë duke përjetuar simptoma të depresionit pas lindjes. Padyshim që është një fenomen i vërtetë. Studime të tjera sugjerojnë që raporti është ndërmjet 4% dhe 10%. Për baballarët që duan të përfshihen në rritjen e fëmijëve të tyre, ekziston një tension midis nevojës së tyre për të siguruar dhe dëshirës së tyre për të qenë në shtëpi. Lindja e një fëmije gjithashtu mund ta vë në provë marrëdhënien martesore, veçanërisht nëse çifti nuk po punon si ekip. Përveç kësaj, gratë shpesh mund ta konsiderojnë veten e tyre për shkak të pendimit si kujdestare dominante, duke dobësuar rolin e babait në kujdesin ndaj një fëmije “, shprehet ajo.
Ajo shton se baballarëve u duhet më shumë kohë për t’u lidhur me fëmijët e tyre sepse nuk kanë mundësinë e ushqyerjes me gji.l.k/abcnews.al
