Lazio e nisi keq sfidën ndaj Interit ditën e djeshme, por goli i Sergej Milinkovic-Savic në pjesën e dytë evitoi humbjen e dytë radhazi dhe i dhuroi një pikë bardhekaltërve. Thomas Strakosha ka folur pas barazimit 1-1 me zikaltrit e Contes, duke dhënë një mesazh për shokët e skuadrës.
Cilësia në ekipin e Simone Inzaghit nuk mungon, thjesht duhet larguar nervozizmi i tepërt. “Gardiani” i Lazio dhe kombëtares shqiptare, në prononcimin për Lazio Style Channel , analizon shkurt edhe golin e pësuar nga Lautaro Martinez.
Golat dhe rastet e LAZIO-INTER
“Një tjetër ndeshje ku zbresim në fushë të disi të nervozuar. Më pas u treguam të aftë dhe u qetësuam gjatë ndeshjes. Duhet të kthehemi Lazio që ishim para pandemisë. Nuk duhet ta humbasim qetësinë dhe është e nevojshme të flasim në mënyrë konstruktive në fushë.
Futbolli është një sport në grup, jo individual. Duhet të jemi më pozitivë, të jemi më të përqendruar, pasi kualiteti në skuadër nuk mungon. Goli i Interit? Ishim të pafat, topi pësoi një karambol dhe u zumë të papërgatitur“, thekson portieri shqiptar. /abcnews.al
