Fede Valverde, mesfushori i talentuar i Real Madrid, ka dhënë sot një deklaratë, ku shprehet i lumtur me momentin që po kalon te “Los Blancos”, si dhe pranoi se ka ende shumë punë për t’u përmirësuar.
“Kam ende shumë për të përmirësuar, mësuar dhe për t’u rritur. Nëse e krahasojmë me vitet e shkuara ndihem më mirë, më i stërvitur në futboll dhe në nivelin personal, por jam shumë i ri dhe kam shumë për të mësuar.
Mundohem të marr mësime nga ata që kanë më shumë eksperiencë se unë dhe t’i vendos në punë fjalët e tyre. Jam mirë me kombëtaren, po kaloj kohë shumë të mirë. E shijoj stërvitjen dhe ndihem mirë me skuadrën”, u shpreh Valverde./abcnews.al
