Nga Ajgena Korbi
Shqipëria duhet të presë miratimin e Agjencisë Europiane të Barnave dhe më pas të fillojë vaksinimin me Sputnik V.
Mjeku Ilir Alimehmeti kërkon më tepër siguri për vaksinën ruse gjithashtu i druhet rrezikut se në këtë mënyrë mund ti hapet rrugë përdorimit të ilaçeve të pacertifikuara nga autoritetet europiane.
“Nga certifikata për sigurinë dhe efikasitetin dhe kjo është arsyeja që presim një përgjigje nga EMA. Nuk na gjen gjë që të presim përgjigjen dhe pse nuk është një numër i madh dozash dhe nëse i aplikojmë kapim rreth 0.17 % të popullatës”, ka thënë mjeku.
Ritmi i vaksinimit është i ngadaltë mendon epidemiologu i cili përllogarit se sa vaksina duhet të kryhen për të qene më të sigurt ndaj infeksionit.
“Duhet rreth 4 milion doza, por duhet që të marrim parasysh që një pjesë dhe e ka kaluar infeksionin dhe nuk janë prioritare. Dhe në këtë total me 100 mijë doza rreth 50 mijë doza janë në përdorim. Nëse i bëjmë të gjitha i bie me pak se 2 % e popullatës dhe ne na duhet më shumë se 70 % e popullatës e imunizuar”, ka thënë ai.
Ndërkohë treguesit e përhapjes së koronavirusit në vend po shkojnë drejt përmirësimit. Pozitiviteti ka zbritur nga kulmi që shënoi në shkurt nën 20% dhe po ashtu dhe numri i të shtruarve në spitale.
Megjithëkëtë mjeku thotë së ky nuk është një moment për të shpërfillur masat pasi Shqipëria vijon të ketë nivel komunitar të përhapjes së infeksionit. /abcnews.al
