Loading ...
Policia spanjolle ka arrestuar 34 persona në një operacion mbarëkombëtar kundër një rrjeti kriminal ndërkombëtar të njohur si “Black Axe”, nën akuza për mashtrim, pastrim parash dhe falsifikim dokumentesh, njoftoi të premten Europol.
Sipas Europol, “Black Axe” e ka origjinën në Nigeri, ku u formua në fund të viteve 1970 si një vëllazëri studentore, por me kalimin e kohës është shndërruar në një organizatë të strukturuar dhe të dhunshme kriminale, e përfshirë kryesisht në krime financiare të kryera përmes mjeteve kibernetike.
Arrestimet u kryen në disa provinca të Spanjës, nga Sevilja në jug deri në Barcelonë në verilindje, me mbështetjen e Europol, Agjencisë së Bashkimit Evropian për Bashkëpunim në Zbatimin e Ligjit. Operacioni u koordinua gjithashtu me autoritetet gjermane, si pjesë e një hetimi më të gjerë ndërkombëtar.
Hetimet tregojnë se rrjeti kriminal rekrutonte të ashtuquajtur “transportues parash” (money mules) në zona të varfra të Spanjës, ku shkalla e papunësisë është e lartë.
Sipas vlerësimeve të hetuesve, rrjeti kriminal ka arritur të mashtrojë viktimat e tij për më shumë se 5.9 milionë euro. / abcnews.a
