Luciano Spalletti ka folur për largimin e mundshëm nga posti i trajnerit të Napolit.
Trajneri vuri në dukje se kjo pyetje nuk duhet t’i bëhet atij, por drejtuesve të klubit.
“Nuk kam marrë oferta nga ekipet e tjera. Të gjitha këto histori janë trillime. Klubi duhet ta sqarojë këtë”, tha Spalletti.
Kujtojmë se këtë vit Napoli fitoi titullin e parë të ligës që nga sezoni 1989/90.
Kontrata e trajnerit 64-vjeçar me klubin italian është deri më 30 qershor 2024. Ai është në krye të Napolit që nga vera e vitit 2021.
Më parë, Spalletti drejtoi Romën, Interin dhe Zenitin e Shën Petersburgut. /G.D abcnews.al/
