Gjykata kundër Korrupsionit dhe Krimit të Organizuar ka përfunduar shqyrtimin e dosjes për kryetarin e zgjedhur të Bashkisë Himarë, Fredi Beleri.
Gazetari Ermal Vija raporton se këtë të martë, Prokuroria e Posaçme pritet të japë konkluzionet e veta, më konkretisht prokurorët Adnand Xholi dhe Dorina Bejko, të cilët do të lexojnë vendimin.
Pra, fati i Belerit është në dorë të dy prokurorëve të posaçëm. Dhe gjykata pritet të dëgjojë prokurorinë dhe të tërhiqet nëse do e shpallë sot vendimin për Belerin.
Kandidati i koalicionit “Bashkë Fitojmë”, Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit 2023, pasi u kap në flagrancë bashkë më bashkëpunëtorin e tij Pandeli Kokaveshi duke blerë vota.
Ai u arrestua para votimeve për “korrupsion aktiv në zgjedhje” dhe për rrjedhojë nuk ka mundur të betohet pasi nuk i është dhënë leje për të dalë nga qelia./abcnews.al
