Me kërkesë të SPAK, GJKKO ka lëshuar 24 masa sigurie për stafin e Universitetit Bujqësor të Tiranës.
Mësohet se masat e sigurisë për personat e dyshuar janë ato të arrestit në burg dhe arrest shtëpie, ndërsa dyshimet janë se këta persona të kenë abuzuar me disa tendera.
Bëhet fjalë për 5 masa “arrest në burg”, 10 arrest në shtëpi dhe 9 detyrim paraqitjeje.
Masa e sigurisë “Arrest në burg” u caktua për shtetasit: Edmond Tërthorja, Amarildo Lleshi, Mehmet Qoshja, Altin Murto dhe Piro Zoga, ndërsa masa e sigurisë “Arrest në shtëpi” u caktua për shtetasit Agim Sefa, Arjan Buliqi, Serafin Skënderi, Ilir Kusi, Dritan Laçi, Azem Parllaku, Artur Koleci, Radion Dhromi, Blenard Spaho dhe Tedi Proda./abcnews.al
