Gjovalin Prendit, pronarit të lokalit në Lezhë drejt të cilit u qëllua me breshëri armësh zjarri në janar të këtij viti ka përjetuar histori të ngjashme. Gazetari Gjergji Figuri bën të ditur për abcnews.al se në janar lokalit të Prendit i është vendosur lëndë plasëse, që shkaktuan vetëm dëme materiale.
Edhe kjo ngjarje vijon të jetë e pazbardhur, pas asnjë të dyshuar dhe asnjë pistë hetimi. Ndërkohë ngjarja sot ndodhi rreth orës 06:30 të mëngjesit të sotëm në fshatin Pllanë të Lezhës.
Në zonë nuk ka kamera sigurie, çka e bën më të vështirë identifikimin e autorëve. Ndërkaq, pronari ka dhënë dëshminë e tij dhe mësohet se ai ka mohuar të ketë konflikte. Për rrjedhojë deri më tani policia ende nuk ka një pistë konkrete hetimi.
Ndërkohë Prendit në shkurt të vitit 2014 i vranë nipin, Taulant Prendin në një atentat. Nga ngjarja e 6 viteve më parë, humbën jetën dy persona Klodian Ndreca 28 vjeç dhe Taulant Prendi 25 vjeç si dhe mbeti i plagosur Aurel Prendi 21 vjeç, vëllai i Taulantit.
Gjovalin Prendi asokohe bëri thirrje për zbardhjen e ngjarjes ku humbi jetën nipi i tij duke deklaruar se nuk kishin asnjë konflikt. Vëllezërit Prendi njiheshin në zonë si persona jo problematikë dhe kishin në pronësi një punishte guri oxhaqesh. g.v/abcnews.al
