Hapësira po i dhuron Tokës një dhuratë këtë fundvit – hënën e plotë. Kjo do të jetë hëna e fundit e plotë e vitit e cila njihet edhe si “Hëna e Ftohtë”. Ky fenomen do të zgjasë për më shumë se 15 orë nga mbrëmja e sotme deri në mëngjesin e së mërkurës, duke e bërë atë Hënën e plotë më të gjatë të vitit.
Quhet ndryshe dhe si “Hëna e gjatë e natës” pasi ndodh në një nga netët më të gjata të vitit, rreth solsticit të dimrit. Ndërsa zhvillohet menjëherë pas Krishtlindjeve, Hëna e plotë quhet ‘Moon After Yule’’ edhe në Evropë. Sipas “The Old Farmer’s Almanac”, Hëna e Ftohtë ka marrë këtë emër nga disa tradita nga amerikanët.
Sipas Forbes, kur Hëna arrin kulmin e ndriçimit shfaq “Hënën e Ftohtë” në dy data të ndryshme. Ndërsa Azia, Evropa dhe Afrika do të shijojnë Hënën e plotë me 30 Dhjetor, si Amerika e Jugut ashtu edhe Amerika e Veriut do ta kenë atë një ditë më parë, më 29 Dhjetor. /abcnews.al
