Më shumë se gjysma e njerëzve në Britaninë e Madhe kanë parë teori konspirative në rrjetet sociale për mungesën e Kate Middleton nga jeta publike, por kjo nuk e ka minuar besimin e publikut në familjen mbretërore.
Një sondazh i YouGov tregon se 51 për qind e njerëzve në internet kanë parë diskutime të teorive për mungesën e saj, ndërsa 44 për qind thonë se jo dhe pesë për qind thonë se nuk është e sigurt.
Kate u shfaq publikisht pasi më parë kishte kërkuar falje publike për një foto të edituar që u publikua në Ditën e Gruas, e cila gjithashtu shkaktoi zemërim dhe teori të ndryshme konspirative në media dhe në internet.
Sipas Sky News, familja mbretërore ruante ende besimin e popullit të Britanisë së Madhe.
Nëntë për qind e të anketuarve thonë se i besojnë më pak Princeshës së Uellsit pasi ajo ka munguar në jetën publike, por i njëjti numër i besojnë asaj më shumë se më parë.
Shumë më tepër të anketuar, 68 për qind, pohojnë se mendimi i tyre nuk ka ndryshuar muajt e fundit.
Gjatë fundjavës, Princi dhe Princesha e Uellsit u panë duke bërë blerje në një dyqan më pak se një kilometër larg rezidencës së tyre pranë kështjellës Windsor./abcnews.al
