Të paktën 70 terroristë të Al Shabab u vranë në një operacion ushtarak të kryer nga ushtria kombëtare somaleze, e mbështetur nga milicitë lokale në provincën veri-qendrore Mudug. Forca e përbashkët bastisi të dielën strehimoret dhe vendet e grumbullimit të terroristëve të Al Shabab në qytetin Aad.
Krerët e grupit terrorist ishin në mesin e atyre që u vranë në operacion, sipas zëvendësministrit somalez të Informacionit Abdirahman Yusuf Al Adala. Ministria e Mbrojtjes somaleze tha se “veprimet e fundit ushtarake në Mudug dhe Galgaduud i kanë dhënë goditje të rëndësishme Khaëarij dhe milicive të tyre”.
U vranë udhëheqësit kryesorë të Al Shabab
Khaëarij është një term që qeveria somaleze përdor për të përshkruar grupin terrorist Al Shabab të lidhur me Al Kaedën. Operacioni vjen një ditë pasi një kamion me bombë në një pikë kontrolli të ushtrisë në qytetin Beledëeyne vrau më shumë se 18 njerëz, përfshirë 10 personel sigurie dhe plagosi më shumë se 40 të tjerë.
Të shtunën, një sulm ajror në qytetin Elbur të kontrolluar nga Al Shabab, duke synuar një shtëpi takimi, vrau udhëheqësit kryesorë të Al Shabab, sipas Ministrisë së Mbrojtjes somaleze./abcnews.al
