Loading ...Bamirësia nuk varfëron. Fëmijët e një akademie futbolli në Tiranë hoqën diçka nga vetja dhe jua dhanë të tjerëve.
Një gjest solidariteti për njerëzit në nevojë në prag të festave të fundvitit.
“E kemi bërë traditë gjatë festave të fundvitit që falë gatishmërisë dhe mirësisë që shprehin të gjithë familjarët e fëmijëve që ne kemi në akademi dhurojmë veshmbathje dhe ushqime për shtresat në nevojë.
Sa herë e bëni këtë akt dhurimi?
Ne e bëjmë një herë në vit… mbase nuk është shpesh, por kjo është mundësia”
Rastësisht kishin zgjedhur 20 dhjetorin për të qenë pranë këtyre personave datë rreth 18 vjet më parë Organizata e Kombeve të Bashkuara e shpalli si ditën ndërkombëtare të solidaritetit njerëzor.
“Ne ndjehemi mirë kur e bëjmë këtë veprim”
Asambleja e Përgjithshme e OKB-së apelon për ndërgjegjësim dhe për të ndërmarrë veprime për një botë më të mirë.
Por sa solidarë janë shqiptarët?
Solidariteti është identifikuar nga organizmat ndërkombëtar si një nga vlerat themelore në shekullin e 21-të, ku ata që vuajnë ose përfitojnë më pak meritojnë ndihmën e atyre që kanë më shumë. Përballë sfidës së pabarazisë në rritje forcimi I solidaritetit shihet si domosdoshmëri.
“Mesazhi është I shkurtër dhe I thjeshtë, dorën në zemër”
