Vitet e fundit me rrjetet sociale dhe zgjatjen e duarve me celular, dërgimi i mesazheve është tashmë një zakon mekanik. Sigurisht, asnjë mesazh nuk mund të zëvendësojë një bisedë të vërtetë.
Disa gjëra gjithsesi nuk mund dhe nuk duhen thënë përmes mesazheve. Këto janë fjalë që duhen thënë në një takim kokë më kokë. Sidomos kur këto fjalë i referohen çështjeve që mund të ekzistojnë në një marrëdhënie.
Ekziston një frazë specifike, e cila mund t’i bëjë shumë dëm një çifti apo një të njohuri, nëse shfaqet/thuhet në formë mesazhi. Në rast se partnerit apo flirtit i ka ndodhur diçka dhe dëshironi të jeni afër për ta diskutuar, ajo që nuk duhet t’i thoni, sidomos përmes një mesazhi, është shprehja “Duhet të flasim”. Sipas psikologes Dr. Linda Kaye, nëse dikush merr një mesazh të tillë ai automatikisht ndihet i shqetësuar. Sigurisht, kjo vlen për të gjitha situatat dhe jo vetëm për marrëdhëniet. Është një frazë që tmerron dhe krijon stres te njerëzit.
Sipas Kaye, një mesazh i tillë nuk ngjall asnjëherë reagime pozitive, sapo e lexojmë na vjen ndërmend diçka negative. Ajo thekson se gjuha që përdorim në mesazhet tona është po aq e rëndësishme sa njerëzit të cilëve u dërgojmë mesazhet. Nëse p.sh. punëdhënësi juaj ju dërgon atë për të cilën duhet të flisni, pastaj ju hyni automatikisht në një pozicion pasiv dhe ju pëlqen apo jo do të flisni. Dhe kjo, natyrisht, ndodh në çdo marrëdhënie njerëzore duke thënë diçka të ngjashme në të njëjtën mënyrë. Prandaj është mirë të mos dërgoni më diçka të ngjashme.
Përndryshe, mund të sugjeroni një kafe ose një shëtitje dhe të flisni në takim për temën që ju shqetëson dhe mund të përmendni se dëshironi të flisni për diçka, t’i jepni kohë tjetrit për t’u përgatitur./abcnews.al
