Zinedine Zidane dhe Sergio Ramos, Thibaut Courtois është ndalur te trajneri dhe kapiteni i Real Madrid në prononcimin e dhënë për Marca. “Gardiani” belg u transferua te kampionët e Spanjës gushtin e vitit 2018 dhe raportet me Zidane dhe Ramos nuk i kishte të mira në fillim.
“Në fillim kisha një raport disi të ftohtë me Zidane. Kjo ndodhi për shkak se nuk kisha një histori të përbashkët me të, siç e kishin shumica e lojtarëve të tjerë të Realit.
Zizou u bë më vonë i vetëdijshëm për situatën e krijuar dhe nisëm të bisedojmë e të kemi një komunikim normal. Patëm një bisedë fantastike verën e vitit 2019, gjërat u përmirësuan prej atij momenti.
Tani kam një raport të shkëlqyer me të. Sergio Ramos? Ai më priti mirë kur kalova te Reali, më duhet ta theksoj këtë gjë. Gjithsesi, Sergio nuk e kishte të lehtë, pasi kishte një raport shumë të mirë me Keylor Navas.
Unë isha portieri i parë dhe ndodhesha në rivalitet me Navas për postin e titullarit. Sidoqoftë, nuk kemi pasur probleme dhe tani i besojmë plotësisht njëri-tjetrit“, deklaron portieri belg i “Los Blancos”. /abcnews.al
