Skëndërbeu do të përballet me Kukësin, në sfidën e vlefshme për javën e tetë të “Abissnet Superiore”. Takimi mes korçarëve dhe verilindorëve do të luhet në stadiumin e Korçës, ora 16:45.
Një takim interesant ky për paraqitjen e dy skuadrave që kanë treguar deri në këto momente.
Skuadra e korçare vjen në këtë përballje pas një serie me rezultate negative, ku nuk ka arritur të provojë akoma shijen e fitores në këtë kampionat, ndërsa nga ana tjetër verilindorët vijnë si favoritë në këtë duel duke marrë parasysh se kuksianët janë skuadra që ka zhvilluar lojën më argëtuese në këto ndeshje. Kukësi ndodhet në vendin e dytë me 14 pikë të grumbulluara në 7 ndeshje të luajtura.
Për këtë sfidë janë publikuar edhe formacionet zyrtare, dhe trajnerët kanë zgjedhur lojtarët që do të hedhin në fushën e lojës.
Formacionet zyrtare:
Skënderbeu: Rexhepi, Meksi, Sadriu, Vitija, Doumfour, Vrapi, Mara, Jean Victor, Agnaldo Moraes, Berisha, Mensah. Trajner: Migen Memelli
Kukësi: Tafas, Ndreca, Bytyçi, Lulaj, Peposhi, De Lucas, Shqipërim Taipi, Gjelbrim Taipi, Basa, Milunoviç, Feijao. Trajner: Diego Longo /f.a/abcnews.al
