Skemë klasike dhe plot yje: Njihuni me formacionin më të mirë mbi 35 vjeç

16:11 | 15/03/202016:110

Vitet e arta për të luajtur futboll, janë 24-30 vjeç, ose më saktë, kështu konceptohej e mendohej për vite të tëra. Megjithatë, yje të shumtë të futbollit modern na kanë treguar se i madh bëhesh edhe 19 vjeç, si dhe qëndron në majë dhe mbi të 30-at. Ibrahimovic, Cristiano Ronaldo, Iniesta, Cazorla, Chiellini e shumë të tjerë, kanë treguar ritme të larta jo vetëm pas moshës 30 vjeç, por dhe pas 35-ve.

Lojtarë të mëdhenj që historia e futbollit vështirë t’i përsërisë. Me lojtarët që po shkëlqejnë dhe pas moshës 35 vjeçare, mund të ndërtohet dhe një formacion ideal, të cilin do e kishin zili shumë trajnerë. Buffon në portë, Dani Alves në të djathtë, Adriano në krahun tjetër. Dyshja e qendrës: Chiellini e Thiago Silva, luftarakë!

Në mesfushë, magjia dhe klasi i Iniestës, i mbështetur nga fenomenali Santi Cazorla. Kapiteni i Betis, Joaquin, në krahun e djathtë, mesfushor klasik anësor dhe i palodhur. Në krahun tjetër, grinta e Ribery, që po shkëlqen ende me Fiorentinën. Dyshja e sulmit, është e frikshme, premton gola dhe aftësi lideri: Cristiano Ronaldo dhe Zlatan Ibrahimovic. Formacion fantastik!/abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono