Në Sidnein e largët, një grup studiuesish dhe psikologësh vendosën të gjenin prova dhe të dhëna, të cilat do t’u jepnin një rezultat të vlefshëm dhe një përgjigje për pyetjen: “cili brez ka shëndetin mendor më të keq të të gjitha kohërave?”. Përfundimi është i thjeshtë dhe do ta analizojmë më poshtë.
Sipas Akademisë Kombëtare të Shkencave, “njerëzit e lindur në vitet 1990 kanë shëndetin mendor më të keq të çdo brezi”.
Gjëja më e keqe është se rezultatet tregojnë se shëndeti mendor ndikohet negativisht si tek brezat e rinj ashtu edhe tek të moshuarit. “Pjesa më e madhe e vëmendjes deri më sot është përqendruar në rënien e shëndetit mendor të fëmijëve dhe adoleshentëve të moshës shkollore, ku ne presim që shëndeti i tyre mendor të përmirësohet përfundimisht ndërsa hyjnë në moshën madhore. Por ky studim tregon se ky model po ndryshon dhe se nuk duhet të shqetësohemi vetëm për fëmijët”, tha autori kryesor i studimit në një deklaratë.
“Të dhënat tona tregojnë jo vetëm një rënie të vazhdueshme të shëndetit mendor të të rinjve të sotëm, por gjeneratat e vjetra që tani shkojnë në të 40-at dhe 50-at duket se janë të prekur gjithashtu. Ne nuk po shohim rimëkëmbjen nga mosha e re, siç e panë gjeneratat e mëparshme teksa plaken”, shtoi Richard Morris./abcnews.al
