Detajet të reja janë mësuar nga ngjarja e ndodhur mesditën e sotme në Mamurras ku mbetën të plagosur dy efektivë policie. Burime bëjnë me dije për gazetaren e ABC, Xhensila Kodra se efektivët Flamur Lleja dhe Ilir Zekaj janë plagosur nga dy të rinj që kanë kundërshtuar policinë.
Autoret e plagosjes së dyfishtë janë larguar menjëherë nga vendi i ngjarjes.
Drejt Mamurrasit janë nisur drejtori i Përgjithshëm i Policisë së Shtetit Ardi Veliu bashkë me drejtorin e departamentit të Policisë Kriminale Tonin Vocaj.
Ndërkohë për sqarimin e rrethanave të ngjarjes në ndihmë të policisë së Mamurrasit kanë shkuar edhe grupet e Forcave të Ndërhyrjes së Shpejtë Shkodër dhe grupi hetimor nën drejtimin e Prokurorisë./mv.abcnews.al
