Bimët kanë nevojë për mbrojtje jo vetëm nga bora, por edhe nga ajri i akullt dhe temperaturat e ulëta, qoftë brenda apo jashtë. Por çfarë duhet të bëni këto ditë që i ftohti polar ka “pushtuar” vendin? Ndiqni këshillat e mëposhtme.
1. Nëse keni lule afër dritareve, hiqni ato pasi rreth dritareve temperaturat janë shumë më të ulëta në krahasim me pjesën tjetër të shtëpisë, sidomos gjatë natës.
2. Kërkohet heqja e përkohshme e bimëve pranë dritares ose në sipërfaqe mermeri pasi është një nga materialet më të ftohta të ndërtimit.
3. Nëse nuk ka ngrohje në zonën ku janë bimët tuaja, vendosini ato përkohësisht diku lart. Ajri i nxehtë ngrihet gjithmonë.
4. Kur bëhet fjalë për kopshtin apo oborrin, bimët e mëdha të mbjella në tokë rrallë kanë problem. Gjethet e rëna, të cilat zakonisht mbulojnë sipërfaqen e tokës,
janë një rrjetë natyrore mbrojtëse nga akulli.
5. Vendosni lulet në një vend të mbrojtur mirë nga era e ftohtë ose bora. Nëse madhësia e tyre lejon, mund t’i vendosni nën një tavolinë jashtë. Për një mbrojtje më të madhe, mbulojeni me një rrjetë speciale mbrojtëse nga akulli.
6. Bimët e vogla dhe të ndjeshme mund të kenë nevojë të zhvendosen brenda si masë paraprake. Mund t’i akomodoni në një hapësirë pa ngrohje.
7. Nëse bora i mbulon bimët tuaja, mos nxitoni ta hiqni atë, sepse ajo mbron gjethet nga ajri i ftohtë. Shkundni borën para se të ngrijë, vetëm nëse pesha e saj shkakton dëmtim të bimës.
8. E fundit, por jo më pak e rëndësishme, mos i lini bimët plotësisht të patrazuara. Toka e thatë së bashku me ajrin e ftohtë do t’i dëmtojë. /abcnews.al
