Këtë javë, njerëzit në të gjithë botën do të fillojnë festimet për Pashkët, duke filluar që me të Premten e Mirë. Kjo nuk është e vetmja gjë që mund të bëni gjatë kësaj fundjave sepse me 19 Prill do të jetë e Hëna Rozë.
Fatkeqësisht, ata që e pëlqejnë këtë ngjyrë mund të zhgënjehen pak pasi pavarësisht emrit, Hëna Rozë nuk do të marrë atë ngjyrë. Mirëpo do të jetë një ngjarje e bukur, që ia vlen t’i mbash sytë nga qielli për ta parë. Në këtë artikull do t’ju tregojmë se çfarë është dhe si mund ta shihni Hënën Rozë.
Këtë vit, Hëna Rozë do të shfaqet më 19 Prill. E gjithë faza e hënës së plotë do të zgjasë gjithë natën. Shansi më i mirë për ta parë është diku ku nuk ka shumë drita, që Hëna të duket sa më e shndritshme.
Hëna Rozë është Hëna e dytë e plotë në Prill. Ajo ndodh kur Hëna ndodhet në krahun e kundërt të tokës dhe ndodhet përballë diellit, duke e bërë të ndriçojë plotësisht.
Hëna Rozë, njihet edhe si Hëna Vezë, Hëna në rritje ose Hëna e Plotë e Peshkut./abcnews.al
