Kalimi i menjëhershëm midis muajve të verës dhe ditëve të ftohta të vjeshtës nuk është i këndshëm për lëkurën e fytyrës. Lëkura juaj mund të skuqet por përveç kësaj, lëkura bëhet e thatë dhe e plasaritur si dhe është më e prirur drejt plakjes së përshpejtuar dhe rrathëve të errët.
Filloni në kohë me kujdesin e duhur dhe jepini lëkurës tuaj trajtimin më të mirë.
Hidratoni lëkurën tuaj përpara se të dilni nga shtëpia
Përveç hidratimit të rregullt të fytyrës në mëngjes dhe në mbrëmje, është e nevojshme të aplikoni një krem natyral përpara se të dilni jashtë. Do të krijoni një shtresë mbrojtëse në lëkurë. Përveç kësaj, bakteret që grumbullohen në fytyrë do ta kenë më të vështirë të arrijnë poret tuaja.
Përdorni SPF
Fakti që jashtë nuk është dyzet gradë nuk do të thotë se nuk keni nevojë për SPF, është e nevojshme për ne në ditët e vjeshtës kur dielli na “buzëqesh” nga pas reve. Përdorni një krem me faktor SPF, i cili do të hidratojë lëkurën dhe do të parandalojë tharjen si dhe njollat në fytyrë.
Pastrim i thellë i fytyrës
Në verë, në fytyrë grumbullohen papastërti të vogla si nga kremrat me mbrojtje SPF që i aplikojmë disa herë në ditë, ashtu edhe nga djersa dhe grimcat e ambientit të jashtëm. Në fakt, krijohet një shtresë e papastër që mbyll poret dhe vështirëson frymëmarrjen dhe rigjenerimin e lëkurës gjatë vjeshtës.
Bëni një piling të fytyrës një herë në javë. Në këtë mënyrë do të largoni papastërtitë nga poret, qelizat e vdekura të lëkurës dhe do të stimuloni rigjenerimin e fytyrës. Përpara kësaj, mund të bëni gjithashtu dhe një avull me çaji kamomil ose nenexhik, në mënyrë që të hapni më tej poret.
Ushqimi i duhur
Një dietë e shëndetshme është e rëndësishme për funksionimin normal të trupit tonë, veçanërisht gjatë muajve të vjeshtës kur aktivizohen grupe të ndryshme virale. Jini të butë me veten, përgatitni ushqime të shëndetshme dhe një dietë e rregullt e ekuilibruar do të reflektohet në lëkurën tuaj. /abcnews.al
