Jo vetëm nënat, por baballarët po përjetojnë ndryshime në dëshirën e tyre seksuale pas ardhjes së një fëmije, zbulon një studim i ri.
Në veçanti, sipas studiuesve në Universitetin e Miçiganit, lodhja dhe stresi, kur jeni një prind i ri, mund të shkaktojë humbjen e dëshirës për seks tek burrat!
Studiuesit anketuan 114 persona (95 burra dhe 18 gra) duke u kërkuar atyre të plotësojnë një pyetësor në internet në lidhje me seksualitetin e tyre gjatë tre muajve të fundit pas lindjes së fëmijës së tyre më të vogël. Përfundimet që dolën ishin se 1 në 3 baballarë të rinj e gjejnë përsëri dëshirën e tyre seksuale brenda 6 javësh nga lindja e foshnjës. Rreth përqindjes së njëjtë i duhen 7 deri në 12 javë për të bërë seks përsëri, ndërsa 1 në 5 nuk bën fare seks për tre ose më shumë muaj.
“Ne zbuluam se të dy nënat dhe baballarët përjetojnë ulje dhe ngritje seksuale gjatë lindjes”, tha studiuesi kryesor dhe profesori i psikologjisë Sari van Anders.
Studiuesit ia atribuojnë mungesën e humorit seksual lodhjes, ankthit dhe stresit, si dhe kohën e kufizuar që baballarët kanë pas ardhjes së foshnjës.
Sidoqoftë, ata baballarë që kanë një humor të shtuar seksual, ndoshta kontribuojnë në rritjen e dëshirës seksuale të gruas dhe ndjenjat e intimitetit.
“Padyshim që ekziston një periudhë rregullimi ku prindërit janë të vetëdijshëm për aspektet e reja të marrëdhënies dhe ndryshimeve të tyre”, tha Këshilltari i Familjes në Filadelfia, Brian Swope.
Gjithashtu me interes është fakti që shumica e burrave pas lindjes preferojnë masturbimin pasi 74% pranuan të masturbojnë brenda gjashtë javëve të para pas lindjes, ndërsa 58% bëjnë seks oral. Vetëm 34% raportuan marrëdhënie vagjinale gjatë së njëjtës periudhë. l.k/abcnews.al
