Mund të duket paradoksale, por trupi ynë na paralajmëron për ekzistencën e problemeve shëndetësore të fshehura në organet vitale si zemra, duke i shfaqur ato në thonjtë.
Sipas një studimi përkatës, vijat e holla, të kuqërremta apo kafe që shfaqen poshtë thonjve janë shpesh shenjë e endokarditit.
Çfarë është endokarditi?
Termi endokardit përshkruan infeksionet e endokardit, pra murit të brendshëm të zemrës.
Ku shkaktohet?
Zakonisht shkaktohet nga bakteret ose mikroorganizmat e tjerë që barten në zemër nga pjesë të tjera të trupit, si goja dhe përhapen përmes gjakut. Nëse nuk trajtohet, endokarditi mund të shkaktojë dëme të pakthyeshme në valvulat e zemrës.
Thonjtë: Kush është më i rrezikuar?
Rreziku i endokarditit rritet te njerëzit që kanë dëmtime para-ekzistuese të valvulës, njerëzit që kanë pasur një transplant të valvulës artificiale ose që kanë probleme të tjera themelore kardiovaskulare.
Cilat janë linjat e imëta?
Vijat e imëta që shfaqen nën thonj janë në fakt mpiksje të vogla gjaku që “migrojnë” nga valvula e sëmurë dhe depozitohen në enët e vogla të gjakut poshtë thonjve. Në fillim ngjyra e tyre mund të jetë e kuqërremtë dhe më pas vijat mund të errësohen./abcnews.al
