Fytyra e një vajze që vdiq më shumë se 1300 vjet më parë është zbuluar falë rindërtimit të fytyrës. Skeleti i saj u gjet i varrosur në një shtrat prej druri me një kryq ari dhe granate në gjoks në Trumpington, Cambridgeshire, në vitin 2012.
Piktura do të shfaqet si pjesë e një ekspozite në Universitetin e Kembrixhit.
Profesoresha Sam Leggett tha se “si një arkeologe ajo është mësuar me njerëzit pa fytyrë” kështu që ishte “me të vërtetë e mrekullueshme” të shihje se si mund të dukej ajo.
Artisti i mjekësisë ligjore Hugh Morrison rindërtoi imazhin duke matur kafkën e vajzës së re dhe duke përdorur informacione rreth thellësisë së indit të gruas së bardhë.
“Syri i saj i majtë ishte pak më i ulët, rreth gjysmë centimetri, se syri i saj i djathtë, gjë që do të ishte mjaft e dukshme në jetë”, tha ai.
Analiza e re e specializuar e eshtrave dhe dhëmbëve të një vajze adoleshente të shekullit të shtatë ka zbuluar më shumë për jetën e saj të shkurtër. Ajo lindi pranë Alpeve, ndoshta në Gjermaninë jugore, dhe në një moment u zhvendos në malet e sheshta të Cambridgeshire pasi mbushi shtatë vjeç. Përveç kësaj, dieta e saj ndryshoi kur erdhi në Angli.
Leggett tha: “Tani e dimë se përqindja e proteinave është ulur, duke sugjeruar që ajo hante më shumë mish dhe produkte qumështi kur ishte në Gjermaninë jugore sesa kur mbërriti në Trumpington“.
Studiuesit tashmë e dinin nga analizat e mëparshme se ajo vuante nga një sëmundje e panjohur para vdekjes së saj./abcnews.al
