Dikur mësonim nëpër librat e gjeografisë Pangean dhe kuptimin e saj. Për të rifreskuar memorien Pangea është një superkontinent, i përbërë nga bashkimi i të gjithë kontinentëve të tanishëm. Pra Europa, Afrika, Azia, Australia, Amerika e Veriut dhe Amerika e Jugut, duke jetuar në fqinjësi me njëra-tjetrën. Në kohët e sotme duket e çuditshme, por në fillesat e evolucionit të Tokës sonë, kjo gjë ka qenë e vërtetë. Praktikisht bëhej fjalë për një masë të madhe tokësore e cila rrethohej e gjitha vetëm nga një oqean.
Por dhe pse në fillesë gjithçka ishte e bashkuar, ndarja nisi rreth 175 milionë vite më parë, duke i dhënë formë planetit tonë sipas shëmbëlltyrës që kemi sot. Kjo ndarje u krijua si pasojë e kushteve tektonike dhe tërmeteve të shumta. Ditët e sotme, gjurmë të tilla janë të zbehta, por si do të ishte bota nëse Pangea do të ishte ende në gjendjen e saj fillestare? Ne mund të imagjinojmë dhe të sjelim ilustrime, por të paktën një ditë nuk do të ishtë keq sikur të gjithë kombet të jetonin në fqinjësi, duke harruar diferencat e tyre. Më poshtë mund të kridhemi në ëndërrimet e ilustrimit që na çon në gjenezën tonë gjeografike./abcnews.al
