Administrata amerikane i kërkoi këtë të enjte Izraelit të lejojë një “rritje dramatike” të ndihmave humanitare që hyjnë në Rripin e Gazës, duke theksuar se dëshiron të shohë hapa konkretë të ndërmarrë “në orët dhe ditët e ardhshme“.
“Ajo që ne presim dhe shpresojmë të shohim në orët dhe ditët e ardhshme është një rritje dramatike e ndihmës humanitare, hapja e pikave të reja të kalimit, një reduktim i dhunës kundër civilëve dhe sigurisht punonjësve të ndihmës,” tha John Kirby, një zëdhënës i Këshilli i Sigurisë Kombëtare i Shtëpisë së Bardhë.
Deklarata erdhi disa orë pasi Presidenti i SHBA Joe Biden lëshoi qortimin e tij më të fortë ndaj Izraelit që nga shpërthimi i luftës me Hamasin, duke paralajmëruar kryeministrin izraelit Benjamin Netanyahu se politika e Uashingtonit do të varet nëse “hapat konkretë” do të ndërmerren menjëherë për të mbrojtur civilët dhe punëtorët në misionet humanitare në Rripin e Gazës./abcnews.al
