Presidenti Joe Biden ka rënë dakord në parim për një takim me homologun e tij rus Vladimir Putin për sa kohë që Rusia nuk pushton Ukrainën, sipas një deklarate nga sekretarja e shtypit e Shtëpisë së Bardhë, Jen Psaki.
Ky samit i mundshëm, sipas një deklarate të Pallatit Elysee, u propozua nga presidenti francez Emmanuel Macron, raporton CNN, përcjell abcnews.al.
Takimi, siç tha Psaki, do të ndodhë pasi sekretari amerikan i shtetit Antony Blinken dhe ministri i jashtëm rus Sergej Lavrov të takohen më 24 shkurt.
Lexo edhe: Vrasje dhe rrëmbime, SHBA zbulon “listën e zezë” të Rusisë nëse pushton Ukrainën
“Presidenti Biden pranoi në parim një takim me Presidentin Putin pas këtij angazhimi, përsëri, nëse një pushtim nuk ka ndodhur,” tha Psaki në një deklaratë me shkrim të dielën në mbrëmje.
“Ne jemi gjithmonë gati për diplomaci. Ne jemi gjithashtu të gatshëm të imponojmë pasoja të shpejta dhe të rënda nëse Rusia në vend të kësaj zgjedh luftën. Dhe aktualisht, Rusia duket se po vazhdon përgatitjet për një sulm të plotë ndaj Ukrainës shumë shpejt”, shtoi ajo. g.v/abcnews.al
