Policia italiane ka kapur një sasi prej 30 kg kokainë në Torino, e cila nëse do të shitej do të kapte vlerën e 2 milionë eurove.
Mësohet se “pronari” i kësaj droge ishte një shqiptar, 27-vjeç i cili është vënë në pranga.
27-vjeçari u arrestuar në Corso Vercelli pasi ai kishte tentuar të ikte nga një patrullë policie. Pasi u ndalua nga policia, në makinë shqiptarit fillimisht i janë gjetur 20 mijë euro. Ndërkohë pas kontrollit në banesën e tij u gjetën 280 mijë euro të tjera cash.
Sipas autoriteteve kjo është kapja më e madhe e kokainës e kryer në Torino në 30 vitet e fundit. E.L/abcnews.al/
