Nëse një inxhinier ka pasion edhe artin, piktura do të ishte e para që do të zgjidhte. Këtë ka bërë Agim Haxhiraj, i cili duke shfrytëzuar njohuritë e profesionit ka krijuar një ekspozitë të tërë me piktura që prezantojnë kalatë e vendit.
Të përzgjedhura pas një eksplorimi 10 vjeçar, objektet e trashëgimisë kulturore dhe peisazhet natyrore, i ngjajnë një udhëtimi që të çon nga njëri vend në tjetrin, nëpërmjet pikturave.
Ekspozita e Agim Haxhiraj në galerinë e arteve “Vilson Kilica” qëndroi për dy javë.
Interesi i publikut, por edhe i koleksionistëve u përqëndrua te objektet e trashëgimisë kulturore si kalatë dhe urat.
Kalatë dhe qytete si Berati, janë objektet e preferuara për një piktor që përvec anës artisitke admiron edhe arkitekturën e tyre.
Ekspozita “ngjyrat e Shqiperise” ka 64 piktura në vaj dhe akuarel. Autori Agim Haxhiraj ka prezantuar deri tani 5 ekspozita me tematika të ndryshme./abcnews.al
