Një lajm shumë i mirë për kombëtaren kuqezi: Edy Reja ka grumbulluar 17-vjeçarin Ramen Çepele. Futbollisti i lindur në Itali, me prindër shqiptarë, ka luajtur me moshat e Italisë, por Reja e ka grumbulluar me kombëtaren A.
Në Itali, Çepele ka marrë elozhe të shumta dhe ka bërë paraqitje shumë të mira me ekipin e Interit Primavera. Çepele ka luajtur me Italinë U17, ku madje mori dhe shiritin e kapitenit.
Kontaktet e vazhdueshme të FSHF-së dhe vetë trajnerit Reja kanë bindur të riun të veshë fanellën kuqezi. Çepele do të luajë kundër Bjellorusisë dhe Lituanisë, më 4 dhe 7 shtator./abcnews.al
