Shpërthimi i zjarreve në Turqi, qeveria evakuon turistët

Turistët janë evakuuar nga plazhet në jug-perëndim të Turqisë,  pasi shpërthimi i zjarreve po kërcënon tashmë hotelet dhe shtëpitë përreth. Anijet bregdetare turke – të ndihmuara nga anije dhe jahte private u erdhën në ndihmë turistëve, sipas mediave lokale.

Në qytetin e Bodrumit,  janë evakuuar 3 hotele me turistë. Zjarret, të cilët kanë filluar që nga e mërkura, kanë shkaktuar të paktën 6 viktima. Dy viktimat e fundit u konfirmuan të shtunën.

Zyrtarët thonë se të gjithë përveç 10 vatrave të zjarrit janë vënë nën kontroll. Presidenti Rexhep Tajip Erdogan vizitoi të shtunën  Manavgat, ku u konfirmuan  5 viktimat e para.

?| #Turkey evacuates hotels in Bodrum

▪️An evacuation order was issued as the wildfires neared hotels area.
▪️Police evacuated three hotels in İçmeler town of Bodrum, #Muğla. pic.twitter.com/Idz9vbUijk

— EHA News (@eha_news) July 31, 2021

Erdogan u zotua se qeveria do të bëjë gjithçka për të ndihmuar personat e prekur nga kjo fatkeqësi. Presidenti është kritikuar gjithashtu mungesën e avionëve zjarrfikës.

Por ai tha se “arsyeja kryesore për këto çështje është se Shoqata Aeronautike Turke nuk ka qenë në gjendje të përditësojë flotën dhe teknologjinë e saj”. Ai shtoi se Azerbajxhani, Irani, Rusia dhe Ukraina  i kanë ardhur në ndihmë vendit në operacionin masiv të shuarjes së zjarreve./abcnews.al